کراچی سمیت ملک بھر کے لیے بجلی مہنگی؛ قیمت میں اضافے کا نوٹیفکیشن جاری

اسلام آباد: کراچی سمیت ملک بھر کے صارفین کے لیے بجلی ایک بار پھر مہنگی کر دی گئی، نیشنل الیکٹرک پاور ریگولیٹری اتھارٹی (نیپرا) نے فی یونٹ 1 روپے 42 پیسے اضافے کا نوٹیفکیشن جاری کر دیا۔

ایکسپریس نیوز کے مطابق یہ اضافہ فروری 2026 کی ماہانہ ایڈجسٹمنٹ کی مد میں کیا گیا ہے، جس کا اطلاق اپریل کے بلوں میں ہوگا اور صارفین سے اضافی رقم اسی ماہ وصول کی جائے گی۔

نیپرا کے اعلامیے میں کہا گیا ہے کہ حکومتی پالیسی کے تحت اس فیصلے کا اطلاق کے الیکٹرک صارفین پر بھی ہوگا، تاہم لائف لائن صارفین اور الیکٹرک وہیکل چارجنگ اسٹیشنز کو اس اضافے سے مستثنا قرار دیا گیا ہے۔

واضح رہے کہ اس سے قبل جنوری کی ماہانہ ایڈجسٹمنٹ میں بھی بجلی کی قیمت میں 1 روپے 63 پیسے فی یونٹ اضافہ کیا گیا تھا۔