پاکستان نے رواں ہفتے 1.4 ارب ڈالر یورو بانڈ سمیت دیگر ادائیگیاں بھی کرنی ہیں، وزیر خزانہ

اسلام آباد: وزیر خزانہ محمد اورنگزیب نے قومی اسمبلی میں کہا کہ آئی ایم ایف کے معاملے پر باتیں ہو رہی ہیں، لیکن رواں ہفتے 1.4 ارب ڈالر یورو بانڈ کی ادائیگی کے علاوہ دیگر مالی ذمہ داریاں بھی پوری کرنی ہیں۔

انہوں نے بتایا کہ حکومت نے 129 ارب روپے کی ٹارگٹڈ سبسڈی دی، جس کا عمل صوبوں کے الیکٹرانک ڈیٹا کے مطابق جاری ہے اور پہلی قسط پہنچنا شروع ہو گئی ہے۔

محمد اورنگزیب نے کہا کہ بچت پروگرام میں تھرڈ پارٹی آڈٹ ہو رہا ہے، پی ایس ڈی پی میں 100 ارب روپے کی کٹ کی گئی، اور اب تک زرمبادلہ کے ذخائر پر کوئی فرق نہیں آیا۔

انہوں نے مزید کہا کہ حکومت عالمی صورتحال پر نظر رکھے ہوئے ہے، تیل و گیس کے بلوں میں اضافہ زیرِ نگرانی ہے، اور اگلے 8–10 سال میں کلین اینرجی کے لیے ٹاسک فورس تشکیل دی گئی ہے۔