کوئٹہ: بارشوں کے بعد ڈپٹی کمشنر اور پی ڈی ایم اے کا ہنگامی دورہ

حالیہ بارشوں کے باعث پیدا ہونے والی ہنگامی صورتحال کے پیشِ نظر ڈپٹی کمشنر کوئٹہ مہراللہ بادینی اور ڈی جی (پی ڈی ایم اے) نے سرہ غڑگئی، ہنہ وڑک بائی پاس اور مین ہنہ وڑ سیلابی نالوں کا ہنگامی دورہ کیا۔

دورے کے دوران متاثرہ علاقوں کا تفصیلی جائزہ لیا گیا اور فوری اقدامات کے تحت مشینری فراہم کر دی گئی تاکہ پانی کے بہاؤ کے لیے راستے کھولے جا سکیں اور ممکنہ نقصانات سے بچا جا سکے۔

ضلعی انتظامیہ اور پی ڈی ایم اے کی جانب سے ریسکیو و ریلیف سرگرمیاں جاری ہیں، جبکہ کسی بھی ہنگامی صورتحال سے نمٹنے کے لیے حکومت مکمل طور پر الرٹ ہے۔

علاقہ مکینوں نے بروقت اقدامات پر حکومت، پی ڈی ایم اے اور ضلعی انتظامیہ کوئٹہ کا شکریہ ادا کیا۔

مزید برآں، متعلقہ اداروں کو ہدایت جاری کی گئی ہے کہ وہ فیلڈ میں موجود رہتے ہوئے صورتحال کی مسلسل نگرانی کریں اور عوام کو ہر ممکن سہولیات فراہم کریں۔