پاکستانی میجر عائشہ خان کو اقوام متحدہ کے سائپرس مشن نے الوداع کہا

سائپرس: پاقوام متحدہ کے مشن United Nations Peacekeeping Force in Cyprus نے پاکستان کی میجر عائشہ خان کو ایک سالہ خدمات مکمل کرنے پر الوداع کہا ہے۔
مشن کے مطابق میجر عائشہ خان نے ملٹری پبلک انفارمیشن آفیسر کے طور پر خدمات انجام دیں اور خواتین امن اہلکاروں کے لیے ایک اہم فوکل پوائنٹ کا کردار ادا کیا۔
انہوں نے میڈیا انگیجمنٹ اور اسٹریٹجک کمیونیکیشن کے شعبے میں، خصوصاً بفر زون سے متعلق امور میں نمایاں خدمات انجام دیں۔ اقوام متحدہ کے مشن نے ان کی پیشہ ورانہ خدمات کو نہایت اہم قرار دیا۔
مشن نے میجر عائشہ خان کے مستقبل کے لیے نیک خواہشات کا بھی اظہار کیا۔