سجاول کے قریب دریائےسندھ میں تیز ہواؤں کے باعث کشتی الٹ گئی، 3 لاشیں نکال لی گئیں

سجاول: سجاول کے قریب دریائے سندھ میں تیز ہواؤں کے باعث کشتی الٹ گئی، جس کے نتیجے میں 3 افراد ہلاک اور ایک لاپتہ ہو گیا۔

پولیس کے مطابق واقعہ گاؤں یعقوب منارو کے قریب پیش آیا۔ کشتی میں 16 افراد سوار تھے جو مزدوری کے بعد اپنے گاؤں واپس جا رہے تھے۔ حادثے کے وقت 12 افراد اپنی مدد آپ دریا سے نکلنے میں کامیاب ہو گئے، جبکہ 4 افراد لاپتہ ہو گئے۔

بعد ازاں لاپتہ افراد میں سے 3 کی لاشیں نکال لی گئیں جبکہ ایک شخص کی تلاش جاری ہے۔