جھل مگسی: تھانہ کوٹڑہ پر مسلح حملہ، ایک شہری جاں بحق، 5 افراد زخمی

جھل مگسی: تھانہ کوٹڑہ پر نامعلوم مسلح افراد نے حملہ کر دیا، جس کے نتیجے میں ایک شہری جاں بحق جبکہ ایس ایچ او میر حسن سپرہ سمیت 5 افراد زخمی ہو گئے۔

زخمیوں میں 2 پولیس اہلکار اور 2 شہری شامل ہیں، جبکہ زخمی شہریوں میں محمد اقبال لاشاری اور نثار احمد لاشاری کی شناخت ہوئی ہے۔

فائرنگ کے واقعے کے بعد علاقے میں خوف و ہراس پھیل گیا، جبکہ اطلاع ملتے ہی پولیس اور سیکیورٹی فورسز کی بھاری نفری موقع پر پہنچ گئی اور علاقے کو گھیرے میں لے لیا۔