زمین کا تحفظ ہم سب کی مشترکہ اور کلیدی ذمہ داری ہے، وزیراعظم

وزیراعظم محمد شہباز شریف نے قوم سے اپیل کی ہے کہ وہ آج ارتھ آور بھرپور انداز میں منائیں اور ماحولیاتی تحفظ کے لیے اپنا کردار ادا کریں۔

28 مارچ 2026 کو ارتھ آور کے موقع پر اپنے پیغام میں وزیراعظم نے کہا کہ موجودہ دور میں ماحولیاتی چیلنجز تیزی سے بڑھ رہے ہیں، اور ارتھ آور ہمیں یہ یاد دلاتا ہے کہ زمین کا تحفظ ہم سب کی مشترکہ ذمہ داری ہے۔

Browse Posts

سردار وقاص شہزاد کا جنوبی افریقہ کے ہائی کمشنر روڈولف پیئر جورڈان سے ملاقات

وزیراعظم کی سربراہی میں پاکستان ترقی کی راہ پر گامزن ہے،شازیہ جدون

اکرام الدین کا عامر سلطان ترین کو وزیر اعلی کے پی کے پرنسپل سیکرٹری مقرر ہونے پر مبارک

انہوں نے عوام سے درخواست کی کہ وہ رات 8:30 بجے سے 9:30 بجے تک ایک گھنٹے کے لیے غیر ضروری بجلی اور روشنیاں بند رکھیں یا کم سے کم استعمال کریں، تاکہ توانائی کے مؤثر استعمال کا پیغام دیا جا سکے۔

وزیراعظم کا کہنا تھا کہ اس سال ارتھ آور “زمین کے لیے ایک گھنٹہ دیں” کے عنوان سے منایا جا رہا ہے، جس کا مقصد ماحولیاتی تحفظ کو فروغ دینا اور موسمیاتی تبدیلیوں کے بارے میں آگاہی پیدا کرنا ہے۔

انہوں نے مزید کہا کہ ارتھ آور محض ایک علامتی اقدام نہیں بلکہ یہ عالمی سطح پر شعور بیدار کرنے کی ایک اہم کوشش ہے، جو ایک پائیدار اور محفوظ مستقبل کے لیے اجتماعی عزم کو تقویت دیتی ہے۔

شہباز شریف نے اس بات پر زور دیا کہ آج کیے گئے فیصلے آنے والی نسلوں کے مستقبل پر گہرے اثرات مرتب کریں گے، اور حکومت موسمیاتی تبدیلیوں سے نمٹنے کے لیے مؤثر اور پائیدار ترقیاتی حکمت عملی پر عمل پیرا ہے۔