شیخ رشید کی عمرہ روانگی کیس؛ عدالت نے فیصلہ محفوظ کر لیا

شیخ رشید کی عمرہ روانگی کیس؛ عدالت نے فیصلہ محفوظ کر لیا

سابق وفاقی وزیر داخلہ Sheikh Rashid Ahmed کی عمرہ روانگی سے متعلق انٹرا کورٹ اپیل پر Lahore High Court کے راولپنڈی بینچ نے سماعت مکمل ہونے کے بعد فیصلہ محفوظ کر لیا۔

Browse Posts

سردار وقاص شہزاد کا جنوبی افریقہ کے ہائی کمشنر روڈولف پیئر جورڈان سے ملاقات

وزیراعظم کی سربراہی میں پاکستان ترقی کی راہ پر گامزن ہے،شازیہ جدون

اکرام الدین کا عامر سلطان ترین کو وزیر اعلی کے پی کے پرنسپل سیکرٹری مقرر ہونے پر مبارک

اپیل کی سماعت ڈویژن بینچ کے جج جسٹس جواد حسن اور جسٹس طارق محمود باجوہ نے کی۔ سماعت کے دوران ایڈیشنل اٹارنی جنرل نے مؤقف اختیار کیا کہ General Headquarters حملہ کیس کے باعث شیخ رشید کا نام اسٹاپ لسٹ میں شامل کیا گیا ہے، لہٰذا عدالت عمرہ کی اجازت سے متعلق سنگل بینچ کا فیصلہ کالعدم قرار دے۔

دوران سماعت درخواست گزار کے وکیل نے مؤقف اختیار کیا کہ آئین کا آرٹیکل 15 ہر شہری کو آزادانہ نقل و حرکت اور بیرون ملک سفر کا حق دیتا ہے۔ انہوں نے عدالت کو بتایا کہ ماضی میں Supreme Court of Pakistan کئی مقدمات میں زیرِ سماعت افراد کو بیرون ملک سفر کی اجازت دے چکی ہے۔

اس موقع پر عدالت کی جانب سے ریمارکس دیے گئے کہ شیخ رشید نے عدالتی رعایت کا ناجائز فائدہ نہیں اٹھایا۔ جسٹس جواد حسن نے استفسار کیا کہ یہ معاملہ ٹرائل عدالت کو واپس کیوں نہ بھیج دیا جائے۔

درخواست گزار کے وکیل نے مؤقف اختیار کیا کہ ٹرائل عدالت کو اسٹاپ لسٹ سے نام نکالنے کا اختیار حاصل نہیں ہے۔ دلائل مکمل ہونے کے بعد عدالت نے فیصلہ محفوظ کر لیا۔