اسرائیل کے قیام پر برطانیہ سے معافی کا مطالبہ، 45 سے زائد ارکان پارلیمنٹ کا وزیراعظم کو خط

اسرائیل کے قیام پر برطانیہ سے معافی کا مطالبہ، 45 سے زائد ارکان پارلیمنٹ کا وزیراعظم کو خط

برطانیہ کے درجنوں ارکان پارلیمنٹ نے حکومت سے مطالبہ کیا ہے کہ وہ اسرائیل کے قیام کی راہ ہموار کرنے میں اپنے تاریخی کردار پر باضابطہ معافی مانگے۔

Browse Posts

تعلیمی ادارے کے قریب شراب خانہ قائم، طلبہ و طالبات میں شدید تشویش

ایران سمجھداری دکھائے، غلط فیصلہ کیا تو ہم دوبارہ جنگ کیلیے تیار ہیں؛ امریکا

یوٹیوب نے صارفین کیلئے شارٹس سے متعلق منفرد فیچر متعارف کرادیا

غیر ملکی میڈیا رپورٹس کے مطابق 45 سے زائد برطانوی ارکان پارلیمنٹ اور ہاؤس آف لارڈز کے اراکین نے وزیر اعظم کیئر اسٹارمر کو ایک خط لکھا ہے، جس میں کہا گیا ہے کہ برطانیہ کو اپنے ماضی کے اقدامات کی ذمہ داری قبول کرنی چاہیے۔

خط میں مؤقف اختیار کیا گیا کہ بالفور اعلان کے اثرات آج بھی مشرقِ وسطیٰ میں واضح طور پر دیکھے جا سکتے ہیں۔ ارکان پارلیمنٹ کے مطابق اسی اعلان نے ایسے حالات کو جنم دیا جن کے نتیجے میں 1948 میں اسرائیل کا قیام عمل میں آیا اور فلسطینی عوام کو بڑے پیمانے پر مشکلات اور تشدد کا سامنا کرنا پڑا۔

ارکان پارلیمنٹ نے مطالبہ کیا کہ برطانوی حکومت اس تاریخی فیصلے کے اثرات کو تسلیم کرتے ہوئے فلسطینی عوام سے باضابطہ معافی مانگے۔

واضح رہے کہ سلطنتِ عثمانیہ کی شکست کے بعد برطانیہ نے تقریباً تین دہائیوں تک فلسطین پر حکمرانی کی جو 1948 تک جاری رہی۔ تاہم اب تک مختلف برطانوی حکومتیں اس دور کے حوالے سے باضابطہ معافی مانگنے یا ذمہ داری قبول کرنے سے گریز کرتی رہی ہیں۔