آئی ایم ایف نے پاکستان سے پیٹرول اور ڈیزل فوری مہنگا کرنے کا مطالبہ کر دیا

اسلام آباد: بین الاقوامی مالیاتی فنڈ (آئی ایم ایف) نے پاکستان سے مطالبہ کیا ہے کہ وہ پیٹرول اور ڈیزل کی قیمتیں عالمی سطح پر جاری قیمتوں کے مطابق فوری بڑھائے اور ان پر کسی قسم کی سبسڈی نہ دے۔

ذرائع کے مطابق پاکستان اور آئی ایم ایف کے درمیان ورچوئل مذاکرات جاری ہیں، جن میں آئی ایم ایف حکام نے زور دیا ہے کہ حکومت پیٹرولیم مصنوعات کی عالمی قیمتوں میں حالیہ اضافے کو فوری طور پر عوام پر لاگو کرے۔

آئی ایم ایف کا کہنا ہے کہ پیٹرول اور ڈیزل ڈویلپمنٹ لیوی کے تحت 30 جون تک 1468 ارب روپے کے ہدف کو پورا کرنا ضروری ہے، اور اس کے لیے قیمتوں میں فوری اضافہ ناگزیر ہے۔