بلوچستان میں 5 افراد کی لاشیں برآمد، کوئٹہ اور پنجگور میں ہلاکتوں کا سلسلہ جاری
کوئٹہ/پنجگور: بلوچستان کے مختلف علاقوں سے مزید پانچ افراد کی لاشیں برآمد ہونے کی اطلاعات سامنے آئی ہیں، جس کے بعد بلوچستان میں امن و امان کی صورتحال پر تشویش میں اضافہ ہوگیا ہے۔
کوئٹہ کے علاقے مشرقی بائی پاس سے تین تشدد زدہ لاشیں ملی ہیں۔ ذرائع کے مطابق مقتولین کے ہاتھ پاؤں بندھے ہوئے تھے اور انہیں بے دردی سے قتل کیا گیا۔ لاشوں کو قانونی کارروائی کے لیے ہسپتال منتقل کر دیا گیا ہے جبکہ شناخت اور واقعے کی مزید تحقیقات جاری ہیں۔
دوسری جانب ضلع پنجگور میں دو روز کے دوران مزید دو افراد کی لاشیں برآمد ہوئی ہیں۔ مقامی ذرائع کے مطابق ان میں سے ایک کی شناخت جبری لاپتہ نواب کے نام سے ہوئی ہے۔ حکام کا کہنا ہے کہ واقعے کے مختلف پہلوؤں کا جائزہ لیا جا رہا ہے۔
رواں ہفتے کے دوران صرف پنجگور سے مجموعی طور پر چھ افراد کی لاشیں مل چکی ہیں، جس سے علاقے میں خوف و ہراس پھیل گیا ہے۔ سکیورٹی اداروں نے تحقیقات شروع کر دی ہیں تاہم تاحال کسی گرفتاری کی اطلاع نہیں ملی۔
بلوچستان میں 5 افراد کی لاشیں برآمد، کوئٹہ اور پنجگور میں ہلاکتوں کا سلسلہ جاری
