گہنور خان بجرانی مگسی کو ڈپٹی ڈائریکٹر واٹر مینجمنٹ جھل مگسی تعینات کرنے کا مطالبہ

گنداواہ (نامہ نگار)عوامی حلقوں نے مطالبہ کیا ہے کہ گہنور خان بجرانی مگسی کو واٹر مینجمنٹ جھل مگسی کا ڈپٹی ڈائریکٹر تعینات کیا جائے تاکہ زمینداروں اور کسانوں کو درپیش مسائل کے حل کے لیے مؤثر اقدامات اٹھائے جا سکیں اور علاقے میں نالوں، تالابوں سمیت دیگر ترقیاتی منصوبوں کی تعمیر بہتر معیار اور شفاف انداز میں مکمل ہو۔
عوامی حلقوں کا کہنا ہے کہ گہنور خان بجرانی مگسی ایک تجربہ کار، قابل اور عوامی مسائل سے بخوبی آگاہ شخصیت ہیں، جن کی تعیناتی سے محکمہ واٹر مینجمنٹ کی کارکردگی میں بہتری آنے کے ساتھ ساتھ زمینداروں کو درپیش مشکلات میں بھی کمی واقع ہوگی۔
انہوں نے کہا کہ گنداواہ اور جھل مگسی کے زرعی شعبے کی ترقی اور خوشحالی کے لیے پانی کی بہتر فراہمی، نالوں کی تعمیر و مرمت اور تالابوں کی معیاری تعمیر وقت کی اہم ضرورت ہے۔
عوامی حلقوں نے صوبائی وزیر زراعت، سیکرٹری زراعت بلوچستان اور متعلقہ حکام بالا سے پرزور اپیل کی ہے کہ گہنور خان بجرانی مگسی کی تعیناتی عمل میں لاکر علاقے کے زمینداروں کے دیرینہ مسائل حل کیے جائیں اور ترقیاتی منصوبوں کو بہتر انداز میں پایۂ تکمیل تک پہنچایا جائے۔