مسئلہ کشمیر کا حل اقوامِ متحدہ کی قراردادوں کے مطابق ہونا چاہیے، میر فیصل خان جمالی

صوبائی وزیر لائیو اسٹاک سردار زادہ میر فیصل خان جمالی نے اپنے پیغام میں کہا کہ 27 اکتوبر کا دن کشمیری عوام کی تاریخ کا ایک سیاہ دن ہے۔ یہ دن ہمیں کشمیری عوام کی طویل جدوجہد، قربانیوں اور حقِ خودارادیت کے لیے ان کے غیر متزلزل عزم کی یاد دلاتا ہے انہوں نے کہا کہ کشمیری عوام گزشتہ کئی دہائیوں سے اپنے بنیادی حقوق اور آزادی کے لیے جدوجہد کر رہے ہیں۔ ہم کشمیری بھائیوں اور بہنوں کی قربانیوں کو سلام پیش کرتے ہیں اور ان کے حقِ خودارادیت کی بھرپور حمایت کرتے ہیں انہوں نے کہا کہ مسئلہ کشمیر کا پرامن اور منصفانہ حل اقوامِ متحدہ کی قراردادوں اور کشمیری عوام کی امنگوں کے مطابق ہونا چاہیے۔ عالمی برادری کو چاہیے کہ وہ کشمیری عوام کے بنیادی انسانی حقوق کے تحفظ اور خطے میں پائیدار امن کے قیام کے لیے اپنا مثر کردار ادا کرے انہوں نے مزید کہا کہ پاکستان کے عوام کشمیری بھائیوں کے ساتھ کھڑے ہیں اور ان کی جائز جدوجہد کی اخلاقی، سیاسی اور سفارتی حمایت جاری رکھیں گے کشمیر کی آزادی اور کشمیری عوام کے حقِ خودارادیت کی جدوجہد کو سلام پیش کیا۔