مسئلہ کشمیر کا منصفانہ حل خطے میں پائیدار امن کے لیے ناگزیر ہے، حاجی میر محمد خان لہڑی

مسلم لیگ (ن)کے رکن بلوچستان اسمبلی و صوبائی پارلیمانی سیکرٹری برائے ایکسائز اینڈ ٹیکسیشن حاجی میر محمد خان لہڑی اور مسلم لیگ (ن)کے مرکزی رہنما و سابق صوبائی وزیر میر عبدالغفور لہڑی نے 27 اکتوبر یومِ سیاہ کشمیر کے موقع پر اپنے ایک مشترکہ بیان میں کہا ہے کہ مسئلہ کشمیر برصغیر کی تاریخ کا ایک اہم اور دیرینہ مسئلہ ہے جس کا منصفانہ حل خطے میں پائیدار امن واستحکام کے لیے ناگزیر ہے انہوں نے کہا کہ 27 اکتوبر کا دن کشمیری عوام کی جدوجہد، قربانیوں اور اپنے بنیادی حقوق کے حصول کے عزم کی یاد دلاتا ہے ہم کشمیری عوام کی حقِ خودارادیت کے لیے جاری جدوجہد، لازوال قربانیوں اور جائز مقف کی بھرپور حمایت کرتے ہیں۔دونوں رہنماں نے کہا کہ کشمیری عوام کواپنے مستقبل کا فیصلہ کرنے کا حق حاصل ہونا چاہیے اور عالمی برادری کو مسئلہ کشمیر کے حل کے لیے اپنی ذمہ داریاں پوری کرنی چاہئیں۔اقوامِ متحدہ کی متعلقہ قراردادوں کے مطابق مسئلہ کشمیر کا منصفانہ، پرامن اور دیرپا حل تلاش کرنے کے لیے عالمی برادری مثر اور مثبت کردار اداکرے تاکہ کشمیری عوام کو انصاف، امن اور حقِ خودارادیت میسر آ سکے۔انہوں نے مزید کہا کہ مسئلہ کشمیر کو نظرانداز کرنے کے بجائے عالمی سطح پراس کی اہمیت کو اجاگر کرنا وقت کی ضرورت ہے کشمیری عوام کی آواز کو سنا جائے اوران کے بنیادی حقوق کے تحفظ کو یقینی بنایا جائے۔حاجی میر محمد خان لہڑی اور میر عبدالغفور لہڑی نے اس عزم کا اظہار کیا کہ کشمیری عوام کی سیاسی، اخلاقی اور سفارتی حمایت جاری رہنی چاہیے اور مسئلہ کشمیر کے منصفانہ حل کے لیے سنجیدہ کوششیں کی جائیں۔