خان کوٹ شھلیانی میں بیگم نصرت بھٹو کی 15ویں برسی کے موقع پر دعائیہ تقریب

خان بہادر میر عاطف خان شھلیانی کی میزبانی میں تقریب، بیگم نصرت بھٹو کی سیاسی اور جمہوری خدمات کو خراجِ عقیدت پیش کیا گیا

گڑھی خیرو (رپورٹ: ڈاکٹر اللہ ڈنو سموں) خان کوٹ شھلیانی میں مادرِ جمہوریت بیگم نصرت بھٹو کی 15ویں برسی کے موقع پر دعائیہ تقریب منعقد کی گئی، جس میں مرحومہ کی مغفرت اور درجات کی بلندی کے لیے خصوصی دعائیں مانگی گئیں۔ تقریب کی میزبانی خان بہادر میر عاطف خان شھلیانی نے کی، جس میں Z.A.B رابطہ کمیٹی کے کارکنوں اور علاقے کی معزز شخصیات نے بڑی تعداد میں شرکت کی۔

تقریب کے دوران بیگم نصرت بھٹو کی قومی، سیاسی اور جمہوری خدمات کو خراجِ عقیدت پیش کیا گیا۔ مقررین نے کہا کہ سندھ اور پاکستان میں جمہوریت کی بحالی کے لیے بیگم نصرت بھٹو کی جدوجہد اور قربانیوں کو ہمیشہ یاد رکھا جائے گا۔ ان کی سیاسی خدمات تاریخ میں سنہری حروف سے لکھی جائیں گی۔

تقریب میں خان بہادر میر عاطف خان شھلیانی، صہیب خان شھلیانی، پیپلز پارٹی شہید بھٹو کے محمد پناہ جمالی، عرفان لغاری، محمد فاروق لغاری، مسعود لانگاہ، آصف عمرانی اور دیگر شخصیات نے شرکت کی اور دعاؤں میں حصہ لیا۔

تقریب کے اختتام پر ملک کی سلامتی، خوشحالی، ترقی اور جمہوریت کے استحکام کے لیے بھی خصوصی دعائیں مانگی گئیں۔