حج و عمرہ کے نام پر جعلی پیکجز سے ہوشیار رہیں، قاری وسیم خان

پشاور(بیورو چیف )حج اور عمرہ کی سعادت حاصل کرنے کے لیے کروڑوں مسلمان سالانہ حرمین شریفین کا رخ کرتے ہیں، اور اس پورے سفر میں ٹریول ایجنسیوں کا کردار ایک اہم پل کی حیثیت رکھتا ہے۔ ایک طرف یہ ایجنسیاں عازمینِ حج و عمرہ کو ویزا، ٹکٹ، رہائش اور ٹرانسپورٹ کی سہولیات فراہم کرتی ہیں، تو دوسری طرف ان کی غفلت یا قواعد و ضوابط کی خلاف ورزی لاکھوں زائرین کے لیے شدید مشکلات کا باعث بنتی ہے۔ان خیالات کا اظہاروسیم ایوی ایشن سروسز ٹریولز اینڈ ٹورز کے سی ای اوقاری وسیم خان نے میڈیا سے گفتگو کرتے ہوئے کیا انہوں نیکہا کہ زائرین کے لیے سعودی عرب کا عمرہ یا حج ویزا اپلائی کرنا اور اس کے لیے تمام ضروری قانونی کاغذات تیار کرنا۔ حکومت پاکستان (وزارت مذہبی امور)اور سعودی وزارت حج و عمرہ کے قوانین کے مطابق رجسٹریشن اور منظوری کا عمل مکمل کرناوغیرہ وغیرہ یہ سب کام حج اور عمرہ ٹریولز ایجنسیوں کا ہے،جس کیلئے ان ٹریولز ایجنسیوں کو بڑی محنت کرنی پڑتی ہے،انہوں نے کہا کہ ہر سال متعدد نجی ایجنسیوں کی جانب سے سستے یا جعلی پیکجز کے نام پر عازمین سے کروڑوں روپے بٹورنے اور بروقت سہولیات نہ دینے کے واقعات سامنے آتے ہیں اس لئے عوام سے گزارش ہے کہ وہ ایسی ٹریولز ایجنسیوں سے ہوشیار رہیں،انہوں نے کہا کہ پاکستان کی وزارتِ مذہبی امور اور متعلقہ حکام کو چاہیے کہ وہ ٹریول ایجنسیوں کے لائسنسوں کی کڑی جانچ کریں اور صرف بلیک لسٹ سے پاک اور بااعتماد اداروں کو کام کی اجازت دیں،زائرین کو سفر پر روانہ ہونے سے پہلے سرکاری لسٹ کے مطابق ایجنسیوں کی تصدیق کرنی چاہیے اور صرف تحریری اور تصدیق شدہ معاہدوں پر انحصار کرنا چاہیے