پاکستان جرنلسٹ ایسوسی ایشن رجسٹرڈ بلوچستان کے وفد کی ایس ایس پی ٹریفک پولیس کوئٹہ دوستین دشتی سے اہم ملاقات

کوئٹہ (رپورٹ: محمد حنیف جمالی) پاکستان جرنلسٹ ایسوسی ایشن (رجسٹرڈ) بلوچستان کے ایک اعلیٰ سطحی وفد نے ایس ایس پی ٹریفک پولیس کوئٹہ دوستین دشتی سے اہم ملاقات کی۔

وفد کی قیادت صوبائی صدر محمد حنیف جمالی، صوبائی چیف آرگنائزر محترمہ ہماں بلوچ اور ڈویژن کوئٹہ کے صدر شاہد علی مگسی کر رہے تھے۔

ملاقات کے دوران ٹریفک کے قوانین، شہر میں ٹریفک کے بڑھتے ہوئے مسائل اور ٹریفک پولیس اہلکاروں کے رویے سے متعلق عام عوام کو درپیش مشکلات پر تفصیلی گفتگو کی گئی۔

وفد نے ٹریفک نظام میں بہتری اور عوام کو ریلیف فراہم کرنے کے حوالے سے اپنی تجاویز پیش کیں۔

اس موقع پر ایس ایس پی ٹریفک پولیس کوئٹہ دوستین دشتی نے پی جے اے کے وفد سے انتہائی خوشگوار ماحول میں ملاقات کی اور ٹریفک قوانین کے حوالے سے تفصیلی بریفنگ دی۔ انہوں نے یقین دہانی کرائی کہ ٹریفک کی روانی کو بہتر بنانے اور عوام کو سہولیات فراہم کرنے کے لیے تمام ممکنہ اقدامات کیے جائیں گے۔