قلعہ سیف اللہ بادینی: اسسٹنٹ کمشنر کا گورنمنٹ بوائز مڈل سکول بادینی کا دورہ

بادینی اسسٹنٹ کمشنر مسلم باغ ماجد سلیم نے اسسٹنٹ کمشنر قلعہ سیف اللہ محمد صادق اور ڈی ایس پی بادینی سرکل حاجی محمد ہاشم کے ہمراہ گورنمنٹ بوائز مڈل سکول بادینی کا دورہ کیا۔

دورے کے دوران افسران نے سکول میں تدریسی ماحول، اساتذہ اور طلبہ کی حاضری، صفائی ستھرائی، بنیادی سہولیات اور مجموعی تعلیمی کارکردگی کا جائزہ لیا۔ اس موقع پر اسسٹنٹ کمشنر ماجد سلیم نے طلبہ سے بات چیت کی اور تعلیمی سرگرمیوں کے حوالے سے معلومات حاصل کیں۔

انہوں نے اساتذہ پر زور دیا کہ وہ اپنی پیشہ ورانہ ذمہ داریاں احسن انداز میں ادا کریں اور طلبہ کو معیاری تعلیم کی فراہمی یقینی بنائیں۔

اسسٹنٹ کمشنر نے کہا کہ تعلیم کا فروغ اور تعلیمی اداروں کی بہتری ضلعی انتظامیہ کی ترجیحات میں شامل ہیں۔ انہوں نے یقین دلایا کہ تعلیمی اداروں میں سہولیات کی بہتری اور مسائل کے حل کے لیے ہر ممکن تعاون جاری رکھا جائے گا۔