حکومت نے ملک کو مسائلستان بنا دیا، مولانا قاری مہراللہ

جمعیت علماء اسلام نظریاتی بلوچستان کے صوبائی امیر مولانا قاری مہراللہ نے کہاکہ حکومت نے ملک کو ہر لحاظ سے تباہ کرکے مسایُلستان بنا دیا۔ کرپٹ مافیاز کی تسلط سے ملک میں غربت و معاشی بدحالی ہے۔ ملک اس وقت سیاسی، معاشی، اخلاقی لحاظ سے دیوالیہ ہوگیا ہے۔
ملک میں تمام مسائل کے جڑ کرپٹ ٹولہ ہے کرپٹ ٹولہ نے ایک سال میں ملک کو ہر لحاظ سے تباہ کر دیا انہوں نے کہا کہ غلام حکمران نے ملک کی سلامتی اور خودمختاری داٶ پر لگا دیا اور قوم کو یکے بعد دیگرے دلدل کی طرف دھکیلاجارہا ہے ملک سیاسی بحران کے ساتھ معاشی طور پر دیوالیہ ہو رہا ہے۔ ملک قرضوں کے مزید بوجھ تلے چلا جا رہا ہے اور معیشت کو تباہی کے دہانے پر لاکھڑا کیا انہوں نے کہا کہ قیام امن میں ملک کی تعمیر ترقی کا راز مضمر ہے بدامنی اور نفرتوں کی عفریت اور رد عمل سے ملک میں مساٸل کی انبار لگی ہوٸی ہے انہوں نے کہا کہ جاگیردارنہ اور سرمایہ دارنہ سیاست نے قوم کو بنیادی حقوق سے محروم رکھ کر عوام کا استحصال کیا گیا غربت، بے روزگاری اور مہنگائی سے نجات کے لیے ملک میں کرپٹ جماعتوں کی سیاست اور کرپٹ ٹولہ کو مسترد کرنا ہوگا ملک اور بیرون ملک اربوں کے اثاثے بنانے والے کو عوام کی فکر نہیں ان کرپٹ کی وجہ سے ملک میں مہنگائی اور بے روزگاری کا طوفان تھمنے کا نام نہیں لے رہا ہے