غیر آئینی ایمرجنسی سے ملک مزید سنگین بحرانوں میں گھر جائے گا، مولانا عبدالقادر لونی

جمعیت علماء اسلام نظریاتی پاکستان کے مرکزی امیر مولانا عبدالقادر لونی نے کہا کہ غیر آٸینی اقدام ایمرجنسی سے ریاست مزید سنگین بحرانوں میں دھنس جائے گی۔فارم 47 حکومت نے اقتدار میں آنے کے بعد جمہوریت کے روح سے انحراف کیا۔ موجودہ حکومت اسٹیبلشمنٹ کی سرپرستی کا مرہونِ منت رہا ہے اور جب بھی جمہوریت پر شب خون مارا گیا، ایسے اقدامات جمہوریت پر ایک بدنما داغ ثابت ہوئے۔ انہوں نے کہا کہ آئین و قانون کو معطل کرنا، ایمرجنسی کا نفاذ جیسے اقدامات سے عوامی حقوق سلب کیا گیا۔ اور اسٹیبلشمنٹ کی مسلط فارم 47 حکومت جمہوریت کی شب خون مارنے پر جشن منا رہے ہیں۔ غیرجمہوری قوتوں کی فیصلے مسلط ہونے پر جشن منانا جمہوریت کو شرما دیا۔ عوام کا جمہوری نظام سے اعتماد اٹھ چکاہے۔ مسلم لیگ نے ہمیشہ انتقامی سیاست کی آڑ میں آٸین کی دھجیاں اڑا کر غیر جمہوری قوتوں کو راستہ دیا ہے۔ بلکہ میثاق جمہوریت کودفن کرنے کی سوچی سمجھی سازش ہے غیر آئینی اور غیر جمہوری اقدامات تاریخ کے ہر دور میں کسی بھی ملک کو پائیدار ترقی اور استحکام دینے کے بجائے مزید سنگین بحرانوں اور دلدل میں دھکیلنے کا باعث بنتے ہیں۔ غیر جمہوری رویوں نے ملک کو دو لخت کر دیا۔