پشین۔ یومِ نجات کے سلسلے میں تحصیل بوستان میں بڑی ریلی، سینکڑوں افراد کی شرکت، پاک فوج سے اظہارِ یکجہتی

یومِ نجات کے سلسلے میں ضلع پشین کی تحصیل بوستان میں مقامی شہریوں کی جانب سے ایک بڑی ریلی کا انعقاد کیا گیا، جس میں سینکڑوں افراد نے شرکت کی۔ ریلی کے شرکاء نے مقررہ راستوں پر مارچ کیا اور یومِ نجات کے حوالے سے اپنے خیالات کا اظہار کرتے ہوئے نعرے لگائے۔ اس موقع پر شرکاء نے پاک فوج کے ساتھ اظہارِ یکجہتی کیا اور ملکی سلامتی و استحکام کے لیے اپنے عزم کا اعادہ کیا۔ ریلی میں شریک افراد نے وفاقی حکومت کے فیصلے کو جرات مندانہ اقدام قرار دیتے ہوئے اس کی حمایت کا اظہار کیا۔ شرکاء کا کہنا تھا کہ ملک میں امن، استحکام اور قومی یکجہتی کا فروغ وقت کی اہم ضرورت ہے۔ یومِ نجات کے سلسلے میں منعقدہ ریلی مقررہ راستوں پر مارچ اور نعروں کے بعد پُرامن طور پر اختتام پذیر ہوئی۔