’یہ آنکھیں امیتابھ بچن کو دکھائیں، ہمیں نہیں‘، صحافی نے جیا بچن کو کھری کھری سنا دی

بالی وڈ اداکارہ اور سماج وادی پارٹی کی رکن پارلیمنٹ جیا بچن ایک بار پھر صحافیوں کے ساتھ تلخ کلامی کے باعث خبروں کی زینت بن گئیں۔ سوشل میڈیا پر گردش کرنے والی ایک ویڈیو میں تقریب کے دوران جیا بچن اور ایک صحافی کے درمیان ناخوشگوار جملوں کا تبادلہ دیکھا جاسکتا ہے۔

ویڈیو کے مطابق جیا بچن تقریب میں موجود صحافیوں اور فوٹوگرافروں کی جانب دیکھتی ہیں، جس پر ایک صحافی انہیں جواب دیتے ہوئے کہتا ہے کہ وہ امیتابھ بچن کی اہلیہ ہیں، اسی لیے ان کی تصاویر بنائی جارہی ہیں۔ صحافی نے طنزیہ انداز میں کہا، ’’یہ آنکھیں امیتابھ بچن کو دکھائیے گا، ہمیں نہیں۔‘‘

جیا بچن اور صحافی کے درمیان ہونے والی اس گفتگو کی ویڈیو سوشل میڈیا پر توجہ حاصل کر رہی ہے۔ جیا بچن ماضی میں بھی عوامی تقریبات کے دوران فوٹوگرافروں اور پاپرازی کے ساتھ تلخ کلامی کے باعث خبروں میں رہ چکی ہیں۔

تاہم، وائرل ویڈیو کے مکمل پس منظر اور واقعے کے وقت و مقام کی آزادانہ تصدیق ضروری ہے۔