دکی میں اغواء کیے گئے 11 مزدور بازیاب

دکی: نانا صاحب زیارت کے علاقے میں کنسٹرکشن کمپنی کے کیمپ سے اغواء کیے گئے 11 مزدور بازیاب ہو کر محفوظ مقام پر پہنچ گئے، جبکہ اغواء ہونے والے ایک مزدور کی لاش چند روز قبل کوہلو کے علاقے نرہن ندی سے برآمد ہوئی تھی۔

تفصیلات کے مطابق دکی کے علاقے نانا صاحب زیارت میں کنسٹرکشن کمپنی کے کیمپ سے مجموعی طور پر 12 مزدوروں کو اغواء کیا گیا تھا۔ واقعے کے بعد ایک مزدور کی لاش کوہلو کے علاقے نرہن ندی سے ملی تھی، جبکہ باقی 11 مزدوروں کی بازیابی کی اطلاع سامنے آئی ہے۔

بازیاب ہونے والے مزدوروں کو محفوظ مقام پر منتقل کر دیا گیا ہے۔ تاہم ان کی بازیابی کے طریقہ کار اور اغواء کے واقعے میں ملوث عناصر کے حوالے سے مزید تفصیلات سامنے نہیں آئی ہیں۔