سوراب میں مسلح افراد کی ناکہ بندی، بس اور مزدا ڈرائیور سمیت لے گئے

سوراب میں گزشتہ روز مسلح افراد نے ناکہ بندی کرکے کراچی سے کوئٹہ جانے والی المنیر بس کمپنی کی بس کو روک لیا۔

ذرائع کے مطابق مسلح افراد نے بس میں سوار مسافروں کو اتارنے کے بعد بس کو ڈرائیور سمیت اپنے ساتھ لے گئے۔

ذرائع کا کہنا ہے کہ مسلح افراد نے آلوؤں سے لدا ایک مزدا ٹرک بھی روک لیا اور اسے ڈرائیور سمیت اپنے ساتھ لے گئے۔

واقعے کے بعد علاقے میں تشویش پائی جارہی ہے، جبکہ واقعے سے متعلق مزید معلومات سامنے نہیں آسکیں۔