سونا عالمی اور مقامی مارکیٹ میں سستا ہوگیا، چاندی کی قیمت میں اضافہ

کراچی: عالمی اور مقامی مارکیٹ میں سونے کی قیمت میں کمی جبکہ چاندی کے نرخوں میں اضافہ ریکارڈ کیا گیا ہے۔

بین الاقوامی بلین مارکیٹ میں فی اونس سونے کی قیمت 10 ڈالر کم ہوکر 4 ہزار 396 ڈالر کی سطح پر آگئی۔

مقامی صرافہ بازاروں میں بھی سونے کی قیمت میں کمی ہوئی۔ فی تولہ سونا 1 ہزار روپے سستا ہونے کے بعد 4 لاکھ 62 ہزار 136 روپے کا ہوگیا۔

اسی طرح 10 گرام سونے کی قیمت 857 روپے کمی سے 3 لاکھ 96 ہزار 207 روپے کی سطح پر آگئی۔

دوسری جانب سونے کے برعکس چاندی کی قیمت میں اضافہ ہوا۔ فی تولہ چاندی 10 روپے مہنگی ہوکر 7 ہزار 69 روپے جبکہ 10 گرام چاندی 9 روپے اضافے سے 6 ہزار 60 روپے کی سطح پر پہنچ گئی۔