آئی ایس پی آر سمر انٹرن شپ گوادر کی سرٹیفکیٹ تقسیم تقریب، جی سی او گوادر میجر جنرل حبیب نواز مہمانِ خصوصی

گوادر

آئی ایس پی آر سمر انٹرن شپ گوادر کے طلبہ کے اعزاز میں سرٹیفکیٹ تقسیم کی اختتامی تقریب منعقد ہوئی جس میں جی سی او گوادر میجر جنرل حبیب نواز نے بطور مہمانِ خصوصی شرکت کی تقریب میں انٹرن شپ مکمل کرنے والے طلبہ کی حوصلہ افزائی کی گئی اور انہیں اس اہم تعلیمی و تربیتی پروگرام کا حصہ بننے پر مبارکباد پیش کی گئی تقریب کے دوران جی سی او گوادر نے طلبہ میں سرٹیفکیٹس تقسیم کیے طلبہ نے اپنی انٹرن شپ کی تکمیل پر خوشی کا اظہار کیا اور اس خصوصی موقع کو اپنے لیے یادگار قرار دیا سرٹیفکیٹ حاصل کرنے والے طلبہ نے کہا کہ انٹرن شپ کے دوران انہیں مختلف موضوعات پر معلومات، رہنمائی اور عملی تجربات حاصل کرنے کا موقع ملا، جو ان کی تعلیمی اور پیشہ ورانہ زندگی میں معاون ثابت ہوں گے
اس موقع پر طلبہ نے آئی ایس پی آر کی جانب سے سمر انٹرن شپ کے انعقاد پر اظہارِ تشکر کیا اور کہا کہ ایسے پروگرام نوجوانوں کی صلاحیتوں کو اجاگر کرنے، ان میں اعتماد پیدا کرنے اور انہیں قومی امور سے آگاہی فراہم کرنے میں اہم کردار ادا کرتے ہیں۔ طلبہ نے اس عزم کا اظہار کیا کہ وہ انٹرن شپ کے دوران حاصل ہونے والے علم اور تجربات کو اپنی آئندہ زندگی میں مثبت انداز میں بروئے کار لائیں گے تقریب کے اختتام پر شرکاء نے اس خصوصی موقع کو خوشگوار یادوں کے ساتھ یادگار بنایا۔