حب کے سینئر سول جج قلات سے لاپتہ، تلاش کے لیے آپریشن شروع

قلات: حب کے سینئر سول جج کے قلات کے علاقے سے لاپتہ ہونے کی اطلاع پر بلوچستان پولیس اور دیگر سیکیورٹی اداروں نے ان کی تلاش کے لیے کارروائی شروع کردی ہے۔

حکام کے مطابق سینئر سول جج کی سرکاری گاڑی کی بھی تلاش جاری ہے، جبکہ واقعے سے متعلق مختلف پہلوؤں کا جائزہ لیا جارہا ہے۔

تاحال سینئر سول جج کے اغوا کی سرکاری طور پر تصدیق نہیں ہوئی اور نہ ہی کسی گروہ کی جانب سے واقعے کی ذمہ داری قبول کرنے کا اعلان سامنے آیا ہے۔

حکام کا کہنا ہے کہ واقعے کی تحقیقات جاری ہیں اور سینئر سول جج کی تلاش کے لیے تمام ممکنہ وسائل بروئے کار لائے جارہے ہیں۔