طلباء کے جائز مسائل کا حل اور بنیادی سہولیات کی فراہمی ہماری بنیادی ذمہ داری ہے، حبیب الرحمن کاکڑ

کوئٹہ //جمعیت طلباء اسلام گورنمنٹ پوسٹ گریجویٹ سائنس کالج کوئٹہ کے صدر حبیب الرحمن کاکڑ کی قیادت میں جے ٹی آئی وفد نے کالج کے پرنسپل سے اہم ملاقات کی، جس میں طلباء کو درپیش مختلف تعلیمی و انتظامی مسائل پر تفصیلی تبادلہ خیال کیا گیا ملاقات کے دوران جے ٹی آئی سائنس کالج سرکل کی درخواست پر طلباء کیلئے پینے کے پانی اور وضو کے پانی کی سہولت فراہم کرنے پر صدر حبیب الرحمن کاکڑ نے کالج انتظامیہ اور پرنسپل کا شکریہ ادا کیا اور اس اقدام کو طلباء کیلئے خوش آئند قرار دیاس موقع پر سٹوڈنٹ کارڈز، بائیومیٹرک حاضری سمیت دیگر طلباء مسائل پر تقریباً دو گھنٹے تک تفصیلی نشست ہوئی۔ جے ٹی آئی وفد نے طلباء کے مسائل اور مشکلات انتظامیہ کے سامنے پیش کرتے ہوئے ان کے فوری اور مستقل حل کی ضرورت پر زوردیا انہوں نے کہا کہ جمعیت طلباء اسلام طلباء کے جائز حقوق، بنیادی سہولیات اور بہتر تعلیمی ماحول کیلئے ہر فورم پر مثبت انداز میں اپنا کردار ادا کرتی رہے گی۔ طلباء کے مسائل کو اجاگر کرنا اور ان کے حل کیلئے عملی اقدامات اٹھانا ہماری اولین ترجیح ہے