پیر سید عنایت علی شاہ کااکرام الدین کو میڈیا میں نمایاں خدمات پر تعریفی سرٹیفکیٹ ملنے پر مبارکباد

اکرام الدین نے ہمیشہ مثبت صحافت کے ذریعے ملک و قوم کا نام روشن کیا ہے۔سربراہ تحریک عشق مصطفی انٹرنیشنل

پشاور(نمائندہ خصوصی)تحریک عشق مصطفی انٹرنیشنل کے سربراہ حضرت پیر سید عنایت علی شاہ بادشاہ المعروف موتیوں والا سرکار نے کہا کہ گلوبل ٹائمز میڈیا یورپ کے چیف ایگزیکٹو اکرام الدین کو جبوتی میں پاکستانی سفیر اقصی نواز کی طرف سے میڈیا اور رپورٹنگ میں نمایاں خدمات پر تعریفی سرٹیفکیٹ ملنے پر مبارکباد پیش کرتے ہیں اور ان کیلئے نیک خواہشات کا اظہار کرتے ہیں انہوں نے کہا کہ اکرام الدین نے ہمیشہ مثبت صحافت کے ذریعے ملک و قوم کا نام روشن کیا ہے جو قابل تعریف ہے انہوں نے کہا کہ اکرام الدین نے نیشنل اور انٹرنیشنل میڈیا کے ذریعے ہمیشہ ہر ظلم کے خلاف آواز بلند کی ہے اور کر رہے ہیں جو ایک بہترین انسان کی پہچان ہے ایسے نڈر صحافی ملک و قوم کے ہیروز ہے۔