شاہد آفریدی کے کتے کی گمشدگی کی خبر بریکنگ، غریب کا بچہ لاپتہ ہو تو خاموشی کیوں؟ حافظ حمداللہ

شاہد آفریدی کے کتے کی گمشدگی کی خبر بریکنگ، غریب کا بچہ لاپتہ ہو تو خاموشی کیوں؟ حافظ حمداللہ

کوئٹہ: جمعیت علمائے اسلام کے رہنما حافظ حمداللہ نے معروف کرکٹر شاہد آفریدی کے کتے کی گمشدگی کو میڈیا کوریج ملنے پر تنقید کرتے ہوئے کہا ہے کہ مشہور شخصیت کا کتا گم ہو تو خبر نمایاں بن جاتی ہے، لیکن غریب کا بچہ یا نوجوان لاپتہ ہو جائے تو اکثر خاموشی اختیار کی جاتی ہے۔

اپنے بیان میں حافظ حمداللہ نے سوال اٹھایا کہ کیا اب خبریں بھی امیر اور غریب کی بنیاد پر بنائی جاتی ہیں؟

انہوں نے کہا کہ گمشدہ غریب بچے کے پیچھے صرف ایک بے بس ماں کی فریاد ہوتی ہے، جس کی آواز سننے والا کوئی نہیں ہوتا۔

حافظ حمداللہ نے کہا کہ معاشرے میں ہر انسان کی جان اور عزت یکساں اہمیت رکھتی ہے، میڈیا اور متعلقہ اداروں کو عام شہریوں کے مسائل کو بھی اسی توجہ کے ساتھ اجاگر کرنا چاہیے۔