کراچی سمیت ملک بھر کے لیے بجلی مسلسل 3 ماہ تک مہنگی ہونے کا امکان

کراچی: ملک بھر کے بجلی صارفین کے لیے بجلی مزید مہنگی ہونے کا امکان ہے، جس کے تحت مسلسل تین ماہ تک فی یونٹ بجلی کی قیمت میں اضافہ کیا جا سکتا ہے۔

نیشنل الیکٹرک پاور ریگولیٹری اتھارٹی (نیپرا) کے مطابق سہ ماہی ایڈجسٹمنٹ کی مد میں فی یونٹ بجلی ایک روپے 34 پیسے تک مہنگی ہونے کا امکان ہے۔

نیپرا نے بجلی تقسیم کار کمپنیوں کی درخواست پر فیصلہ محفوظ کر لیا ہے، جبکہ اتھارٹی مکمل جانچ پڑتال کے بعد حتمی فیصلہ جاری کرے گی۔

ذرائع کے مطابق اگر درخواست منظور ہوئی تو بجلی صارفین پر تقریباً 34 ارب روپے کا اضافی مالی بوجھ پڑ سکتا ہے۔