سونا عالمی و مقامی مارکیٹوں میں سستا ہوگیا، چاندی کی قیمت میں اضافہ

کراچی: عالمی اور مقامی مارکیٹوں میں سونے کی قیمت میں کمی ریکارڈ کی گئی جبکہ چاندی کی قیمت میں اضافہ ہوگیا۔

بین الاقوامی بلین مارکیٹ میں فی اونس سونا 5 ڈالر سستا ہونے کے بعد 4 ہزار 55 ڈالر کی سطح پر آگیا، جس کے اثرات مقامی صرافہ مارکیٹوں پر بھی پڑے۔

مقامی مارکیٹ میں فی تولہ سونے کی قیمت 500 روپے کمی کے بعد 4 لاکھ 27 ہزار 936 روپے جبکہ 10 گرام سونے کی قیمت 428 روپے کمی سے 3 لاکھ 66 ہزار 886 روپے ہوگئی۔

دوسری جانب چاندی کی قیمت میں اضافہ دیکھا گیا، فی تولہ چاندی 60 روپے اضافے کے بعد 6 ہزار 351 روپے جبکہ 10 گرام چاندی 51 روپے اضافے سے 5 ہزار 444 روپے کی سطح پر پہنچ گئی۔