عالمی و مقامی مارکیٹوں میں سونا سستا ہوگیا، چاندی کی قیمتوں میں اضافہ

کراچی: عالمی اور مقامی صرافہ مارکیٹوں میں سونے کی قیمت میں کمی جبکہ چاندی کی قیمت میں اضافے کا رجحان ریکارڈ کیا گیا۔

بین الاقوامی بلین مارکیٹ میں فی اونس سونے کی قیمت 10 ڈالر کمی کے بعد 4 ہزار 40 ڈالر پر آ گئی، جس کے اثرات مقامی مارکیٹ پر بھی مرتب ہوئے۔

آل پاکستان جیمز اینڈ جیولرز ایسوسی ایشن کے مطابق مقامی مارکیٹ میں فی تولہ سونا ایک ہزار روپے سستا ہو کر 4 لاکھ 26 ہزار 436 روپے کا ہوگیا، جبکہ 10 گرام سونا 857 روپے کمی کے بعد 3 لاکھ 65 ہزار 600 روپے میں فروخت ہوا۔

دوسری جانب عالمی مارکیٹ میں فی اونس چاندی 68 سینٹس مہنگی ہو کر 58 ڈالر 12 سینٹس تک پہنچ گئی۔

اس اضافے کے بعد مقامی صرافہ مارکیٹ میں فی تولہ چاندی 68 روپے بڑھ کر 6 ہزار 291 روپے جبکہ 10 گرام چاندی 58 روپے اضافے کے بعد 5 ہزار 393 روپے کی سطح پر پہنچ گئی۔