نوشکی: مسلح افراد کا سیکیورٹی فورسز کی چوکیوں پر حملہ، فائرنگ جاری

نوشکی: نوشکی میں مسلح افراد کی جانب سے سیکیورٹی فورسز کی چوکیوں کو نشانہ بنانے کی اطلاعات سامنے آئی ہیں۔

ذرائع کے مطابق شہر میں شدید فائرنگ کا سلسلہ جاری ہے، جبکہ بدل کاریز، کلی فقیران اور گردونواح کے علاقوں میں بھی وقفے وقفے سے فائرنگ کی آوازیں سنی جا رہی ہیں۔

فائرنگ کے باعث علاقے میں خوف و ہراس پھیل گیا، جس کے بعد شہریوں نے اپنی دکانیں بند کر دیں۔ سیکیورٹی اداروں کی جانب سے صورتحال کی نگرانی کی جا رہی ہے۔