بختیارآباد: قبائلی رہنما میر سیف اللہ ڈومکی پر فائرنگ، زخمی حالت میں سبی منتقل

بختیارآباد: بچاؤ بند کے قریب نامعلوم مسلح افراد نے قبائلی رہنما میر سیف اللہ ڈومکی پر فائرنگ کردی، جس کے نتیجے میں وہ زخمی ہوگئے۔

ذرائع کے مطابق فائرنگ کے بعد میر سیف اللہ ڈومکی کو فوری طور پر ریسکیو 1122 سینٹر بختیارآباد منتقل کیا گیا، جہاں انہیں ابتدائی طبی امداد فراہم کی گئی۔

بعد ازاں زخمی قبائلی رہنما کو مزید علاج کے لیے سی ایم ایچ سبی منتقل کردیا گیا، جہاں اسپتال ذرائع کے مطابق ان کی حالت خطرے سے باہر ہے۔

واقعے کے بعد متعلقہ اداروں نے تحقیقات اور کارروائی کا آغاز کردیا ہے، تاہم تاحال حملہ آوروں کی شناخت اور فائرنگ کے محرکات سامنے نہیں آسکے۔