آپریشن العزم: سیکیورٹی فورسز کی مستونگ میں کامیاب کارروائی، 4 دہشتگرد جہنم واصل

مستونگ: سیکیورٹی فورسز نے آپریشن العزم کے تحت بلوچستان کے ضلع مستونگ کے علاقے کھڈ کوچہ میں انٹیلی جنس بیسڈ آپریشن کے دوران چار مبینہ دہشت گردوں کو ہلاک کرنے کا دعویٰ کیا ہے۔

سیکیورٹی ذرائع کے مطابق کارروائی دہشت گردوں کی موجودگی کی اطلاع پر کی گئی، جس میں چار مبینہ دہشت گرد مارے گئے۔ آپریشن کے دوران ان کے قبضے سے بھاری مقدار میں اسلحہ، گولہ بارود اور دیگر سامان بھی برآمد کیا گیا، جبکہ زیرِ استعمال موٹر سائیکلیں بھی تحویل میں لے لی گئیں۔

ذرائع کا کہنا ہے کہ کارروائی میں متعدد دیگر مبینہ دہشت گرد زخمی ہوئے، جبکہ دہشت گردوں کی مبینہ سہولت کاری میں ملوث کئی مشتبہ افراد کو بھی حراست میں لے کر تفتیش شروع کر دی گئی ہے۔

سیکیورٹی فورسز کی جانب سے علاقے میں سرچ اور کلیئرنس آپریشن جاری ہے تاکہ ممکنہ خطرات کا مکمل خاتمہ یقینی بنایا جا سکے۔

سیکیورٹی ذرائع کے مطابق مستونگ اور بلوچستان کے دیگر علاقوں میں دہشت گردی کے خلاف انٹیلی جنس بیسڈ کارروائیاں جاری رہیں گی اور امن و امان کے قیام تک آپریشنز کا سلسلہ برقرار رکھا جائے گا۔