ایران پر 13 ویں رات فضائی حملوں کے اہداف مکمل کر لیے گئے، سینٹکام

واشنگٹن: امریکی سینٹرل کمانڈ (سینٹکام) نے اعلان کیا ہے کہ ایران کے خلاف مسلسل 13ویں رات فضائی کارروائیاں مکمل کر لی گئی ہیں، جن میں مختلف فوجی اہداف کو نشانہ بنایا گیا۔

سینٹکام نے سوشل میڈیا پلیٹ فارم ایکس پر جاری بیان میں کہا کہ تازہ حملوں کے دوران فوجی کمانڈ سینٹرز، ڈرون ذخیرہ گاہیں، مواصلاتی نیٹ ورک، ساحلی نگرانی کے مراکز اور بحری صلاحیتوں سے متعلق تنصیبات کو نشانہ بنایا گیا۔

امریکی سینٹرل کمانڈ کے مطابق ان کارروائیوں کا مقصد آبنائے ہرمز سے گزرنے والے تجارتی جہازوں اور شہری بحری آمدورفت کو درپیش خطرات میں کمی لانا ہے۔

بیان میں کہا گیا کہ آبنائے ہرمز بدستور کھلی ہوئی ہے اور تجارتی جہاز امریکی فوج کی معاونت میں معمول کے مطابق اس اہم بحری راستے سے گزر رہے ہیں۔

سینٹکام نے مزید بتایا کہ مشرق وسطیٰ میں اس وقت 50 ہزار سے زائد امریکی فوجی اہلکار تعینات ہیں، جو خطے کی صورتحال پر مسلسل نظر رکھے ہوئے ہیں۔