کوئلہ پھاٹک پل ٹریفک کے لیے کھول دیا گیا، شہریوں نے اطمینان کا اظہار

کوئٹہ: ضلعی انتظامیہ نے شہریوں کو درپیش مشکلات کا نوٹس لیتے ہوئے کوئلہ پھاٹک پل کو ٹریفک کے لیے کھول دیا ہے۔

پل بحال ہونے کے بعد شہر کے مختلف علاقوں کے درمیان آمدورفت دوبارہ شروع ہوگئی ہے، جس سے ٹریفک کی روانی میں بہتری اور شہریوں کی مشکلات میں نمایاں کمی آنے کی توقع کی جا رہی ہے۔

شہریوں نے پل کھولنے کے فیصلے کا خیرمقدم کرتے ہوئے ضلعی انتظامیہ کا شکریہ ادا کیا اور مطالبہ کیا کہ مستقبل میں ٹریفک کی روانی برقرار رکھنے، تجاوزات کے خاتمے اور متبادل ٹریفک پلان پر بھی مؤثر اقدامات کیے جائیں تاکہ شہریوں کو دوبارہ مشکلات کا سامنا نہ کرنا پڑے۔