چاغی میں مسلح افراد کی موجودگی کی اطلاعات، بینک اور پولیس تھانے کو نذرِ آتش کیے جانے کے دعوے، سرکاری تصدیق تاحال نہیں

چاغی: ضلع چاغی سے اطلاعات موصول ہو رہی ہیں کہ مبینہ طور پر سینکڑوں مسلح افراد شہر میں داخل ہو گئے ہیں۔ غیر مصدقہ اطلاعات کے مطابق ایم سی بی بینک چاغی اور ایک پولیس تھانے کو بھی نذرِ آتش کیے جانے کا دعویٰ کیا جا رہا ہے۔

تاہم ان اطلاعات کی تاحال ضلعی انتظامیہ، قانون نافذ کرنے والے اداروں یا کسی سرکاری ذریعے سے تصدیق نہیں کی گئی ہے۔

حکام کی جانب سے واقعے سے متعلق کوئی باضابطہ بیان جاری نہیں ہوا، جبکہ صورتحال کے حوالے سے مزید معلومات حاصل کی جا رہی ہیں۔ سرکاری تصدیق یا مستند ذرائع سے معلومات سامنے آنے پر خبر کو اپ ڈیٹ کیا جائے گا۔