عبدالستار ایدھی کی خدمات ہمیشہ سنہری الفاظ میں یاد رکھی جائیں گی، نعمان بھنگر

پیپلز اسٹوڈنٹس فیڈریشن ضلع حب کے صدر نعمان بھنگر نے اپنے بیان میں کہا کہ عظیم سماجی رہنما اور انسانیت کے بے لوث خادم عبدالستار ایدھی مرحوم کی خدمات ہمیشہ سنہری الفاظ میں یاد رکھی جائیں گی۔ ایدھی صاحب نے اپنی پوری زندگی دکھی انسانیت کی خدمت، غریبوں، یتیموں، بے سہارا افراد اور ضرورت مندوں کی مدد کے لیے وقف کر دی۔
ان کی فلاحی خدمات نہ صرف پاکستان بلکہ پوری دنیا کے لیے ایک روشن مثال ہیں۔

نعمان بھنگر نے کہا کہ عبدالستار ایدھی نے انسانیت، محبت، بھائی چارے اور خدمت کا جو درس دیا، وہ آنے والی نسلوں کے لیے مشعلِ راہ ہے۔ آج ان کی برسی کے موقع پر ہم انہیں خراجِ عقیدت پیش کرتے ہیں اور اس عہد کا اعادہ کرتے ہیں کہ انسانیت کی خدمت اور فلاحی کاموں کے جذبے کو فروغ دینے کے لیے ان کے مشن کو آگے بڑھائیں گے۔