ڈاکٹرز اور محکمہ صحت کا تنازع مذاکرات سے حل کیا جائے، گورنر بلوچستان

کوئٹہ: گورنر بلوچستان شیخ جعفر خان مندوخیل نے ڈاکٹرز اور محکمہ صحت کے درمیان جاری معاملات پر ردعمل دیتے ہوئے کہا ہے کہ ڈاکٹرز بھی ہمارے بھائی ہیں، سیکرٹری تھوڑا سا گزارا کر لیں۔

گورنر مندوخیل نے کہا کہ ڈاکٹرز صحت کے شعبے میں اہم کردار ادا کر رہے ہیں، اس لیے تمام متعلقہ فریقین کو تحمل، برداشت اور افہام و تفہیم سے مسائل حل کرنے چاہییں۔ انہوں نے زور دیا کہ عوام کو بلا تعطل طبی سہولیات کی فراہمی حکومت کی اولین ذمہ داری ہے۔

انہوں نے کہا کہ اختلافات کو مذاکرات کے ذریعے حل کیا جانا چاہیے تاکہ نہ صرف ڈاکٹرز کے مسائل کا مناسب حل نکلے بلکہ عوام بھی کسی قسم کی مشکلات سے محفوظ رہیں۔