سوشل میڈیا پر مودی سے متعلق سی آئی اے روابط کے دعوے، کوئی مصدقہ ثبوت سامنے نہ آسکا

سوشل میڈیا پر بھارتی وزیراعظم نریندر مودی کے امریکی انٹیلی جنس ایجنسی سی آئی اے (CIA) سے مبینہ روابط کے حوالے سے مختلف تصاویر اور دعوے گردش کر رہے ہیں۔

ان پوسٹس میں مودی کے 1993 میں امریکہ کے دورے، بین الاقوامی قیادت کے پروگرام میں شرکت اور دیگر معاملات کو بنیاد بنا کر مختلف الزامات عائد کیے جا رہے ہیں۔ تاہم ان دعوؤں کے حق میں کوئی قابلِ اعتماد یا سرکاری ثبوت سامنے نہیں آیا۔

اسی طرح مودی کا نام ایپسٹین فائلز میں شامل ہونے، امریکی حکومت کے زیرِ اثر ہونے اور بھارتی ریاستی فیصلوں پر بیرونی کنٹرول جیسے دعووں کی بھی آزاد ذرائع سے تصدیق نہیں ہو سکی۔

تاحال بھارتی حکومت، امریکی حکام یا دیگر متعلقہ اداروں کی جانب سے ان سوشل میڈیا دعوؤں کی باضابطہ تصدیق نہیں کی گئی۔