گرین بس اسٹاپ پر خواتین کے لیے محفوظ انتظار گاہ قائم کی جائے، مہراللہ بادینی

۔ڈپٹی کمشنر کوئٹہ، مہراللہ بادینی نے گرین بس اسٹاپ کا دورہ کرکے وہاں دستیاب سہولیات اور انتظامات کا تفصیلی جائزہ لیا۔ اس موقع پر انہوں نے متعلقہ حکام کو ہدایت کی کہ بالخصوص خواتین کے لیے باوقار، محفوظ اور آرام دہ انتظار گاہ قائم کی جائے، جبکہ تمام مسافروں کے لیے بھی جدید سہولیات سے آراستہ، صاف ستھری اور معیاری انتظار گاہ کی فراہمی کو یقینی بنایا جائے۔دورے کے دوران ڈپٹی کمشنر نے شہریوں سے ملاقات کی، ان کے مسائل اور تجاویز سنیں اور سفری سہولیات سے متعلق درپیش مشکلات سے آگاہی حاصل کی۔ انہوں نے متعلقہ حکام کو ہدایت کی کہ عوامی شکایات کے بروقت ازالے اور گرین بس اسٹاپ پر بہتر سہولیات کی فراہمی کے لیے عملی اقدامات کیے جائیں تاکہ شہریوں کو محفوظ، آرام دہ اور باوقار سفری ماحول میسر آسکے۔