پروفیسر ایم ایچ مصدق ہیڈ آف ڈیپارٹمنٹ گورنمنٹ آف سرگودھا قضائے الہی سے انتقال فرما گئے

سرگودھا منشا قاضی سے

پروفیسر ایم ایچ مصدق ہیڈ آف ڈیپارٹمنٹ گورنمنٹ آف سرگودھا قضائے الہی سے انتقال فرما گئے ۔ انا للہ وانا الیہ راجعون آپ کے جنازے میں زندگی کے ہر شعبہ سے تعلق رکھنے والی شخصیات نے شرکت کی ، سلطنت عمان کے سابق اعزازی سرمایہ کاری قونصلیٹ جنرل جاوید نواز نے خصوصی طور پر قطر سے سرگودھا پہنچے ۔ جاوید نواز نے پروفیسر ایم ایچ مصدق کے اوصافِ حمیدہ بیان کرتے ہوئے بتایا کہ پروفیسر ایم ایچ مصدق اس گئے گزرے دور میں سچائی اور راست بازی کے پیکر متحرک تھے ۔ جاوید نواز نے بتایا کہ ہروفیسر ایم ایچ مصدق
1937 میں ہندوستان کی ریاست کپورتھلا کے گاؤں مقصود پور میں پیدا ہوئے۔
1947 میں پاکستان ہجرت کی۔ 1959 میں گولڈ میڈل کے ساتھ پنجاب یونیورسٹی سے ایم ایس سی کیا اور 1967 میں قائد اعظم یونیورسٹی اسلام آباد سے ایم فل کیا۔
لیکچرر، پھر اسسٹنٹ پروفیسر، ایسوسی ایٹ پروفیسر، پھر پروفیسر کے طور پر کیریئر کا آغاز کیا۔
ہیڈ آف ڈیپارٹمنٹ، وائس پرنسپل گورنمنٹ کالج سرگودھا، پھر پرنسپل گورنمنٹ کالج سرگودھا۔ ڈائریکٹر کالجز سرگودھا ڈویژن کے طور پر بھی خدمات انجام دیں۔ انہیں صدر پاکستان کی جانب سے صدارتی ایوارڈ اعزاز الفضیلت سے نوازا گیا۔ سرگودھا ڈویژن کے لیے معراج خالد گورنمنٹ میں سی ایم انسپکشن کمیشن کے ممبر اور ممبر احتساب کمیٹی بھی رہے۔ ملک بھر میں 16 سے زائد کتابوں کے مصنف تھے ان کی یاد میں کوئی ادارہ ٹرسٹ یونیورسٹی قائم ہونی چاہئے تاکہ ان کا نام ہمیشہ زندہ رہے ۔