نوشکی میں مزید پانچ مال بردار بسیں نذرِ آتش، گزشتہ روز پیش آنے والے واقعے کی تفصیلات سامنے آگئیں

نوشکی: ضلع نوشکی کے علاقے احمدوال میں پھاٹک کے قریب کوئٹہ۔تفتان شاہراہ پر نامعلوم مسلح افراد نے پانچ مال بردار (ماڑو) بسوں کو نذرِ آتش کر دیا۔

ذرائع کے مطابق یہ بسیں مسافروں کی نقل و حمل کے بجائے سامان کی لوڈنگ کے لیے استعمال ہوتی ہیں اور ان میں عام مسافر موجود نہیں ہوتے، صرف عملہ سفر کرتا ہے۔

اس سے قبل نوشکی کے علاقے مَل کے مقام پر اسی شاہراہ پر ایک ٹرالر اور تین بوزرز سمیت چار گاڑیوں کو بھی نشانہ بنایا گیا تھا۔

ٹرانسپورٹ ذرائع کا کہنا ہے کہ احمدوال کے قریب ماڑو بسوں کو نذرِ آتش کرنے کا واقعہ گزشتہ روز پیش آیا تھا، تاہم اس کی تفصیلات بعد میں سامنے آئیں۔

واقعے کے بعد متعلقہ اداروں نے حالات کا جائزہ لینا شروع کر دیا ہے، جبکہ مزید تحقیقات جاری ہیں۔