خانوزئی کے قریب موٹر سائیکل میں بارودی مواد پھٹنے سے 3 افراد زخمی

کوئٹہ: پشین کے علاقے خانوزئی کے قریب قومی شاہراہ پر چلتی موٹر سائیکل میں موجود بارودی مواد اچانک پھٹ گیا، جس کے نتیجے میں تین افراد شدید زخمی ہوگئے۔

ڈی ایس پی عنایت کے مطابق زخمی افراد کرومائیٹ کی کانوں میں استعمال ہونے والا بارودی مواد لے جا رہے تھے کہ دورانِ سفر اچانک دھماکہ ہوگیا۔

انہوں نے بتایا کہ دھماکے میں دو افراد کے دونوں پاؤں کٹ گئے، جبکہ ایک زخمی کی حالت تشویشناک بتائی جا رہی ہے۔ زخمیوں کو ابتدائی طبی امداد فراہم کرنے کے بعد مزید علاج کے لیے کوئٹہ منتقل کر دیا گیا۔