سوراب میں ایس پی ہاؤس پر مسلح حملہ، سرکاری گاڑیاں اور کمرے نذرِ آتش

سوراب گزشتہ شب نامعلوم مسلح افراد نے سوراب میں ایس پی ہاؤس کو نشانہ بنایا جس کے نتیجے میں سرکاری گاڑیوں اور رہائشی کمروں کو آگ لگا دی گئی ذرائع کے مطابق حملہ آوروں نے رات کے وقت ایس پی ہاؤس پر فائرنگ اور حملہ کیا جس کے دوران عمارت کے مختلف حصوں کو نقصان پہنچا جبکہ وہاں موجود سرکاری گاڑیوں اور چند کمروں کو آگ کے حوالے کر دیا گیا تاہم ابتدائی اطلاعات کے مطابق واقعے میں کسی جانی نقصان کی اطلاع نہیں ملی علاقہ مکینوں کے مطابق رات گئے اچانک دھماکوں اور فائرنگ کی آوازیں سنائی دینے لگیں جو وقفے وقفے سے کافی دیر تک جاری رہیں، جس کے باعث شہری خوف کے عالم میں گھروں سے جاگ اٹھے واقعے کی اطلاع ملتے ہی سکیورٹی فورسز اور متعلقہ حکام موقع پر پہنچ گئے علاقے کو گھیرے میں لے کر سرچ آپریشن شروع کر دیا گیا جبکہ حملے میں ملوث عناصر کی تلاش اور واقعے کی تحقیقات جاری ہیں مزید تفصیلات حکام کی جانب سے جاری ہونے کے بعد سامنے آئیں گی۔