گلستان میں شادی کی تقریب میں فائرنگ، دو نوجوان جاں بحق

میزئی اڈہ: گلستان میں شادی کی ایک تقریب کے دوران فائرنگ کے نتیجے میں دو نوجوان جاں بحق ہوگئے۔

جاں بحق ہونے والوں کی شناخت حکمت اللہ ولد خان محمد قوم حمیدزئی سکنہ توبہ اچکزئی اور احسان اللہ ولد نور محمد قوم خواجہ زئی سکنہ توبہ اچکزئی کے نام سے ہوئی ہے۔

واقعے کے بعد دونوں نوجوانوں کی میتوں کو فوری طور پر ٹراما سینٹر میزئی اڈہ منتقل کیا گیا، جہاں ضروری کارروائی مکمل کرنے کے بعد لاشیں ورثاء کے حوالے کر دی گئیں۔

واقعے کی مزید تفتیش اور قانونی کارروائی مقامی پولیس کر رہی ہے۔