خاران، سراوان روڈ پر فائرنگ، دو سگے بھائی جاں بحق

خاران کے علاقے سراوان روڈ پر نامعلوم افراد کی فائرنگ کے نتیجے میں دو سگے بھائی جاں بحق ہوگئے۔ پولیس ذرائع کے مطابق واقعہ سراوان روڈ پر پیش آیا جہاں مسلح افراد نے فائرنگ کرکے دو افراد کو نشانہ بنایا۔

پولیس کے مطابق جاں بحق ہونے والے دونوں افراد سگے بھائی تھے اور ان کا تعلق ضلع خاران سے بتایا جاتا ہے۔ واقعے کے بعد لاشوں کو ضروری کارروائی کے لیے ہسپتال منتقل کر دیا گیا جبکہ ملزمان کی تلاش کے لیے تحقیقات شروع کر دی گئی ہیں۔

پولیس کا کہنا ہے کہ واقعے کے محرکات فوری طور پر معلوم نہیں ہوسکے، تاہم مختلف پہلوؤں سے تحقیقات جاری ہیں۔