باصلاحیت نوجوان پاکستان کا قیمتی سرمایہ ہیں، گورنر بلوچستان

کوئٹہ: گورنر بلوچستان شیخ جعفر خان مندوخیل سے فوکل پرسن پرائم منسٹر یوتھ پروگرام بلوچستان و جنرل سیکرٹری پاکستان مسلم لیگ (ن) یوتھ ونگ بلوچستان میر سجاد رئیسانی کی قیادت میں ایک وفد نے ملاقات کی۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی

ملاقات کے دوران پرائم منسٹر یوتھ پروگرام بلوچستان کے تحت جاری مختلف منصوبوں، نوجوانوں کی فلاح و بہبود کے اقدامات، یوتھ ونگ کے تنظیمی امور، آئندہ یوتھ ونگ کنونشن، کوئٹہ میں یونٹ سازی اور متوقع بلدیاتی انتخابات کے حوالے سے تفصیلی تبادلہ خیال کیا گیا۔

وفد نے گورنر بلوچستان کو نوجوانوں کی سیاسی، سماجی اور تعلیمی سرگرمیوں سے متعلق بریفنگ دی اور بلوچستان بھر میں نوجوانوں کو قومی ترقی کے عمل میں مؤثر کردار ادا کرنے کے لیے درپیش مواقع اور چیلنجز پر بھی گفتگو کی۔

اس موقع پر پاکستان مسلم لیگ (ن) یوتھ ونگ بلوچستان کے صوبائی سینئر عہدیداران میر عین الدین کرد، عرفان بلوچ، رازق خان بڑیچ، عزیز مری، میر مہر نیچاری اور شمشیر خان بھی موجود تھے۔
گورنر بلوچستان نے نوجوانوں کے کردار کو ملکی ترقی کے لیے ناگزیر قرار دیتے ہوئے کہا کہ باصلاحیت نوجوان پاکستان کا قیمتی سرمایہ ہیں اور ان کی مثبت رہنمائی و حوصلہ افزائی وقت کی اہم ضرورت ہے۔